రాష్ట్ర ప్రభుత్వం ఆర్థికపరిస్థితి మెరుగుపడేంత వరకూ అనవసర విదేశీపర్యటనల జోలికి వెళ్లొద్దని నియంత్రిస్తూ పెట్టిన ఆంక్షలు మరో ఏడాది పొడిగించారు. ప్రత్యేకించి మంత్రులు, ఉన్నతాథికారులు, సాధారణ అథికారులు విదేశీపర్యటనలపై పొడిగింపు కొనసాగుతుంది. తప్పనిసరి పరిస్థితుల్లో వెళ్లాల్సిన వారికి మాత్రం అనుమతి ఇస్తున్నారు. ఈ అనుమతి కోసం ముందస్తుగా ధరఖాస్తు చేసుకోవాలని రాష్ట్ర ఆర్థికశాఖ కోరింది. దీని పరిశీలనకు ఒక కమిటీని కూడా నియమించింది. ఈ కమిటీ అసలు విదేశీపర్యటన అవసరమా? లేదా? అన్న విషయాన్ని పరిశీలించి అవసరాన్ని బట్టి చర్యలు తీసుకుంటుంది.

ప్రభుత్వ ప్రధానకార్యదర్శి ఈ కమిటీకి ఛైర్మన్‌ హోదాలో పని చేస్తున్నారు. ఆయనకు మాత్రమే రాష్ట్ర ఆర్థికపరిస్థితిపై అవగాహన ఉంటుందని ప్రభుత్వం ఈ నియామకం ఖరారు చేసింది. సభ్యులుగా అటవీశాఖ ప్రత్యేకప్రధానకార్యదర్శి, ఆర్థికశాఖ ప్రత్యేక ప్రధానకార్యదర్శి, భూపరిపాలన ప్రధానకమిషనరు,  సాధారణ పరిపాలన శాఖ ముఖ్యకార్యదర్శి నియమితులయ్యారు. ఈ కమిటీ మొత్తం ఒక్కసారిే సమావేశమై అర్హతల వారీగా, అవసరాల వారీగా ధరఖాస్తులను పరిశీలిస్తుంది. వచ్చే జూన్‌ నెల 15వ తేదీ వరకూ ఈ ధరఖాస్తులను అందజేయవచ్చని కమిటీ ఛైర్మన్‌ ప్రకటించారు. తుదిగడువులోపు తమకు ధరఖాస్తులు అందజేయాలని ఆయన కోరారు.