బ్రేకింగ్: యాసంగిలో వరి కొనేది లేదన్న ప్రభుత్వం
Published on: Sat Nov 6, 2021 5:47PM
తెలంగాణలో వరి సాగు వివాదం మరింత ముదురుతోంది. వరిని సాగు చేయవద్దంటూ గతంలో వ్యవసాయ శాఖ మంత్రి నిరంజన్ రెడ్డి చేసిన ప్రకటనపై రైతుల నుంచి తీవ్ర ఆగ్రహం వ్యక్తమైంది. ఇదిలా ఉండగానే మరోసారి అలాంటే ప్రకటనే చేశారు మంత్రి నిరంజన్ రెడ్డి. రైతులు యాసంగిలో వరి వేయొద్దని సూచించారు. యాసంగిలో వరికి బదులు ప్రత్యామ్నాయ పంటలు వేయాలన్నారు. సీడ్ కంపెనీలతో ఒప్పందం ఉన్నవారు.. వరి పంట వేసుకుంటే ప్రభుత్వానికి సంబంధం లేదన్నారు. ఎఫ్సీఐ బాయిల్డ్ రైస్ కొనమని స్పష్టం చేసిన తర్వాతే.. రాష్ట్ర ప్రభుత్వం యాసంగి పంటను కొనలేమని తెలిపిందని పేర్కొన్నారు. వర్షాకాలం పంట కొనుగోళ్లలో ప్రభుత్వానికి ఎలాంటి ఇబ్బందుల్లేవని నిరంజన్రెడ్డి తెలిపారు.


