సూర్యోద‌యం, సూర్యాస్త‌మ‌యం చూడాలంటారు పెద్ద‌వాళ్లు. మ‌నిషిలో ఉత్సాహాన్ని జీవితం మీద ఆస‌క్తిని పెంచుతుందంటారు. ఆ మాట ఎలా ఉన్నా క‌వులు, అందులోనూ సినీ క‌వులు ఆ రెంటినీ బ్ర‌హ్మాండంగా వ‌ర్ణిస్తూ పాటల‌తో అల‌రించారు. ఇంత‌వ‌ర‌కూ బాగానే ఉంది. కానీ ఏదీ ఎక్కువ రోజులు భ‌రించ‌లేం. ప‌గ‌ల యినా, చీక‌ట‌యినా.  ప్ర‌పంచంలో కొన్ని ప్రాంతాల్లో రాత్రి స‌మ‌యం మ‌రికొన్ని ప్రాం తాల్లో ప‌గ‌లు అవు తుంది. ఇది వింటేనే ఇంత చిత్రంగా ఉంటే, అస‌లు ప‌గ‌టి కాల‌మే ఎక్కువ‌గా ఉన్న ప్రాంతం గురించి వింటే మ‌రెంత ఆశ్చ‌ర్యం క‌లుగుతుంది. అవును అలాంటి ప్రాంత‌మే నార్వే స్వాల్బార్డ్‌. ఇక్క‌డ ప్ర‌తీ ఏడూ ఏప్రిల్ 22 నుంచి ఆగ‌ష్టు 22 వ‌ర‌కూ అంతా పండ‌గ వాతావ‌ర‌ణ‌మే ఉంటుంది. ప్ర‌జ‌లు ఎన్నో శుభ కార్యాలు చేస్తూంటారు. ముఖ్యంగా ఆర్కిటిక్ స‌ర్కిల్ ప్రాంతంలోనివారు. కార‌ణం ఇక్క‌డ మ‌ధ్య‌రాత్రి స‌మ‌యం లోనూ సూర్యుడు క‌న‌ప‌డ‌తాడు!

ఈ ప్రాంతం స‌గం నార్త్‌పోల్‌, నార్వేకి మ‌ధ్య‌లో ఉన్న కార‌ణంగా అంతా అద్భుతంగా, ఆశ్చ‌ర్య‌క‌రంగానే ఉంటుంది. గ‌డియారం ప్ర‌కారం అర్ధ‌రాత్రి అయిన‌ప్ప‌టికీ వేడుక‌ల‌కు కొద‌వ ఉండ‌దు. స‌ముద్రం మీద వేల్ స‌ఫారీలు లేదా పెద్ద పెద్ద కెర‌టాల‌ను విరుస్తూ స‌ర్ఫింగ్‌కి యువ‌త పోటీప‌డుతుంటారు. ఇంకా చిత్ర‌మేమంటే, పెద్ద‌వాళ్లు, అమ్మాయిలు అంతా క‌లిసి ఏకంగా ఆ స‌మ‌యంలో గోల్ఫ్ ఆడ‌టం! అలాగే సైక్లింగ్‌, స‌ముద్రం మీద ప‌డ‌వ‌ల పోటీల‌కు వెళ్ల‌డం ...అబ్బో అదో మ‌హ‌దానంద ప్ర‌వాహం. అదో ఆనంద హేల‌!

స్వాల్డార్డ్ ద్వీపాలు పోలార్ బేర్‌ల‌కు నివాస ప్రాంతాలు. కానీ పెద్దగా వాటినుంచి ప్ర‌మాదం ఉండ‌ దంటారు ఇక్క‌డి వారు. చాలామంది దీవిలో కూచుని రాత్రంగా బాతాఖానీ కొడుతుంటారు. అచ్చం మ‌నం ప‌గ‌లు రోడ్ల‌మీద‌, పార్కుల్లోనో కూచుని మాట్లాడుకుంటున్న‌ట్టుగా. ఎండాకాలం అంతా సూర్య‌డు అలా ప్ర‌ద‌క్షి ణా లు చేస్తూనే ఉంటాడు. అంద‌రినీ త‌నతో పాటు తిప్పుతాడు.  అక్క‌డ ఆధునిక‌త సంత‌ రించుకున్న లాంగ్యార్ బైన్ ప‌ట్ట‌ణం ప‌లు సంస్కృతులకు కేంద్రం. అక్క‌డ అనేక ర‌కాల సంప్ర‌ దాయాల‌వారు క‌లిసి ఆట‌పాట‌లు, తిండీ, ఆట‌ల‌తో కాలం తెలియ‌కుండా గ‌డిపేస్తుంటార‌ట‌. హోట‌ళ్లు, బార్లు, రెస్టారెంట్లు అన్నీ ఫుల్ బిజీ! కొత్త‌వారు త‌ప్ప‌కుండ ఎవ‌రో ఒక‌రి సాయంతో న‌గ‌ర ప్ర‌వేశం చేయాల్సిందే. లేకుంటే చిన్నపిల్ల‌లు సంత‌లో త‌ప్పిపోయిన‌ట్టు అవుతుంది. గుర్తించ‌ డం,ప‌ట్టుకోవ‌డం చాలా క‌ష్ట‌మైపోతుందిట‌. ఇక్క‌డి వేష‌భాష‌లు, ప్ర‌జ‌ల తీరుతెన్నుల్లో వ్య‌త్యాసాలు అన్నీ కొత్త‌వారిని ఖంగారుపెట్ట‌క‌పోవు. 

అర్ధ‌రాత్రి సూరీడుని చూసి తీరాలి. బ‌హు విచిత్ర రంగుల్లో ప‌ట్ట‌ణాల‌ను రంగు రంగుల కాంతుల‌తో క‌ప్పేసి ప్ర‌జ‌ల‌కు ఎంతో మాన‌సిక ఉల్లాసాన్ని క‌లిగిస్తాడు. క‌వులు, గాయ‌కుల‌కు ఇది ముఖ్యంగా ఆ స‌మ‌యం స్వ‌ర్గంలో  ఉన్న‌ట్టే! ప్ర‌కృతి స‌హ‌జ అందంలో ప్ర‌జ‌లు ఆనంద‌డోలిక‌ల్లో తేలిపోతూంటారు. అదో పొయి ట్రీ. చూసి, త‌రించి తీరాల్సిందే. ఫిన్‌మార్క్‌, ట్రామ్స్‌, లోఫ్టోన్‌, వెస్ట‌ర్లాన్, హెల్గెలాండ్‌, బోడో, సాల్తాన్ వంటి ప్రాంతాల్లోనూ ప్ర‌జ‌లు ఈ ఆర్ధ‌రాత్రి సూర్యుడితో కాలం గ‌డుపుతుంటారు. అదో అద్భుతం, అదో అందం. ఫోటోగ్రాఫ‌ర్ల‌కు, ఆర్టిస్టుల‌కు ఇదో స్వ‌ర్గం. రోజుకో అద్భుతాన్ని, అందాన్ని చూసి త‌రించ‌ డంలో కాలం గ‌డిచిపోతుంది.