ఎంహెచ్ 17 బ్లాక్ బాక్స్ అప్పగించిన రెబల్స్!
posted on Jul 22, 2014 10:12AM
ఉక్రెయిన్లో క్షిపణి దాడిలో కుప్పకూలిన ఎంహెచ్ 17 విమానం బ్లాక్బాక్స్ను రష్యా అనుకూల తిరుగుబాటుదారులు తిరిగి ఇచ్చారు. అంతర్జాతీయ మీడియా ప్రతినిధుల సమక్షంలో మలేషియా ప్రభుత్వ అధికారులకు తిరుగుబాటుదారులు సోమవారం అప్పగించారు. అంతేకాకుండా, విమానం కూలిన ప్రాంతంలో సహాయక చర్యలు చేపట్టేందుకు వీలుగా పది కిలోమీటర్ల మేరకు కాల్పుల విరమణ కూడా పాటిస్తున్నట్టు తెలిపారు. విమానప్రమాదంలో మరణించిన ప్రయాణికుల మృతదేహాలు తిరుగుబాటుదారుల అధీనంలోనే వున్నాయి. అంతర్జాతీయ పరిశీలకులు వచ్చేవరకు శవాలను తమ దగ్గరే జాగ్రత్తగా భద్రపరుస్తామని ఉక్రెయిన్ తిరుగుబాటుదారులు తెలిపారు. శవాలు పాడవకుండా ఉండాలనే ఉద్దేశంతో వాటిని ఏసీ రైల్ వ్యాగన్లలో భద్రపరిచామని వారు తెలియజేశారు.