మెదక్ జిల్లాలో స్కూలు బస్సును రైలు ఢీకొన్న ప్రమాదంలో మరణించిన చిన్నారుల కుటుంబాలకు కేంద్ర ప్రభుత్వం, తెలంగాణ రాష్ట్ర ప్రభుత్వం కలసి ఏడు లక్షల రూపాయల ఎక్స్‌గ్రేషియాగా ప్రకటించాయి. ఇందులో తెలంగాణ ప్రభుత్వం 5 లక్షల రూపాయలు, కేంద్ర ప్రభుత్వం మూడు లక్షల రూపాయలు ఇస్తాయి. అలాగే ప్రమాదంలో గాయపడిన వారికి పాతికవేల రూపాయల ఆర్థిక సాయం చేయనున్నట్టు కేంద్ర రైల్వే శాఖ మంత్రి సదానంద గౌడ గురువారం లోక్‌సభలో ప్రకటించారు. గాయపడిన చిన్నారుల వైద్య ఖర్చులను ప్రభుత్వమే భరిస్తుందని తెలంగాణ హోంమంత్రి నాయిని నర్సింహారెడ్డి తెలిపారు. రైల్వే అధికారుల నిర్లక్ష్యం కారణంగానే ఈ ప్రమాదం చోటుచేసుకుందని ఆగ్రహం వ్యక్తం చేశారు. కాగా, యశోదా ఆసుపత్రిలో చికిత్స పొందుతున్న విద్యార్థులను తెలంగాణ రాష్ట్ర ముఖ్యమంత్రి కేసీఆర్ పరామర్శించారు.