మామూలుగా పిల్లలు పరీక్ష పాసవుతూ వుంటారు. ఇప్పుడు ‘మామ్’ పరీక్షలో పాసైంది. ఇదేదో డిస్టెన్స్ ఎడ్యుకేషన్ పరీక్షలోనో, వయోజన విద్య పరీక్షలోనో కాదు.. అంతరిక్ష పరీక్షలో... ఇస్రో నిర్వహించిన పరీక్షలో. మూడు వందల రోజుల క్రితం ఇస్రో అంతరిక్షంలోకి ప్రవేశపెట్టిన ‘మార్స్ ఆర్బిటరీ మిషన్’ (మామ్)కి కీలక పరీక్షను ఇస్రో శాస్త్రవేత్తలు నిర్వహించారు. మామ్ ప్రధాన ఇంజిన్ ద్రవాన్ని ప్రయోగాత్మకంగా మండించారు. ఈ పరీక్షలో ‘మామ్’ పాసైనట్టు తెలుస్తోంది. ఈ పరీక్షలో పాసైన అనంతరం ‘మామ్’ మార్గ సవరణ ప్రక్రియను చేపట్టారు. ‘మామ్’ వేగాన్ని గంటకు 22.1 కిలోమీటర్ల నుంచి 4.4 కిలోమీటర్లకు తగ్గించనున్నారు. అనంతరం మార్స్ కక్ష్యలోకి ప్రవేశపెడతారు.