సంవత్సరం క్రితం అంగార గ్రహం మీదకు ప్రయోగించిన మార్స్ ఆర్బిటర్ మిషన్ (మామ్)కు నేడు కీలక పరీక్ష చేపట్టనున్నట్లు షార్ డైరెక్టర్ ఎంవైఎస్ ప్రసాద్ తెలిపారు. సోమవారం మధ్యాహ్నం 2.30 గంటలకు ట్రయిల్ ఆపరేషన్లో భాగంగా ప్రధాన ఇంజన్కు ఫైర్ చేస్తామని చెప్పారు. మార్స్ ఆర్బిటర్ మిషన్ ప్రయోగం మన దేశానికి ఎంతో కీలకమైందని ఆయన అన్నారు. మార్స్ ఆర్బిటర్ని గత ఏడాది నవంబర్ 5న శ్రీహరి కోట నుంచి ప్రయోగించారు. ఇది అంగారకుడిపై ఇస్రో చేస్తున్న తొలి ప్రయోగం. ఇప్పటివరకు అనుకున్నట్లుగానే ప్రయోగం విజయవంతంగా సాగుతోందని, పది నెలలుగా రోదసిలో నిరంతరం మార్స్ వైపు ప్రయాణిస్తున్న మామ్ ఈ నెల 24న.. బుధవారం తెల్లవారుజామున అరుణుడిని చేరుకోనున్నట్టు షార్ డైరెక్టర్ తెలిపారు.