జుకర్ బర్గ్ కి ఇంటి కష్టాలు..
Published on: Wed Jan 20, 2016 3:34PM
.jpg)
ఫేస్ బుక్ వ్యవస్థాపకుడు మార్క్ జుకర్ బర్గ్ కి కొత్త కష్టాలు వచ్చి పడ్డాయి. మార్క్ జుకర్ బర్గ్ పై అతని కాలనీ వాసులు ఫిర్యాదులు చేశారంట. వివరాల ప్రకారం ప్రపంచంలోనే అత్యంత ధనవంతుల్లో ఒకరైన జుకర్ బర్గ్ శాన్ ప్రాన్సిస్కోలోని లిబర్టీ హిల్ కమ్యూనిటీలో తన సొంత ఇంట్లో ఉంటున్నారు. అయితే ఇప్పుడు ఆయన తన ఇంటిని రీమోడల్ చేయిస్తున్నారంట. ఈ పనుల వల్ల అక్కడ వీపరీతమైన శబ్దాలు.. దుమ్ము వస్తుండటంతో కాలనీ వాసులకు చిరాకు వచ్చిందంట. అంతేకాదు జుకెర్ బర్గ్ రాంగ్ పార్కింగ్ వల్ల కూడా కాలనీ వాసులకు చుక్కలు కనిపిస్తున్నాయంట. ఆయన రెండు స్పోర్ట్ యుటిలిటీ కార్లు బారెడంత ఉండి పార్కింగ్ కు ఇబ్బందిని కలిగిస్తున్నాయట. దీంతో కాలనీ వాసులు నగర ట్రాన్స్ పోర్ట్ ఏజెన్సీకి ఫిర్యాదు చేశారు. అంతేకాదు ఏదో ఒకటో రెండో రోజులు అయితే పర్వాలేదు.. నెల నుండి ఇంటి పనులు జరుగుతున్నాయి.. ఇంటి రిపేరు పేరుతో దుమ్ము కొట్టుకుపోయేలా చేయడం భరించలేని స్థాయికి చేరిందని.. దానికి తోడు రాంగ్ పార్కింగ్ అని ఆరోపిస్తున్నారంట. మరి జుకర్ బర్గ్ పై ఎలాంటి చర్యలు తీసుకుంటారో చూడాలి.


