సీఎం కుర్చీ ఇస్తే పుచ్చుకుంటా
Published on: Sun Nov 8, 2015 8:36AM

ఒకపక్క బీహార్ అసెంబ్లీ ఎన్నికల ఓట్ల లెక్కింపు జరుగుతూ వుంటే, నోటికి వచ్చినట్టు మాట్లాడే బీహార్ మాజీ ముఖ్యమంత్రి జితన్ రామ్ మాంఝీ మరో కామెడీ కామెంట్ చేశారు. ఈ ఎన్నికలలో ఎన్డీయే కూటమి విజయం సాధిస్తే తనకు బీహార్ ముఖ్యమంత్రి సీటు ఇస్తే పుచ్చుకోవడానికి ఎలాంటి అభ్యంతరం లేదని ప్రకటించారు. ఆదివారం ఉదయం తొమ్మది గంటల 30 నిమిషాల వరకు జరిగిన కౌంటింగ్లో ఎన్డీయే కూటమిలో వున్న బీజేపీ 67 స్థానాల్లో ఆధిక్యంలో వుంది. మాంఝీ నాయకత్వంలోని హెచ్ఎఎం పార్టీ ఎనిమిది స్థానాల్లో మాత్రమే ఆధిక్యంలో వుంది. ఒకవేళ ఎన్డీయే గెలిస్తే ఎక్కువ స్థానాల్లో ఆధిక్యంలో వున్న బీజేపీలో ముఖ్యమంత్రి అభ్యర్థులు చాలామంది వున్నారు. అలాంటిది మాంఝీకి మరోసారి ముఖ్యమంత్రి అయిపోవాలని కోరిక పుట్టడం విచిత్రమే.


