ప్రత్యేకంగా మంచు మనోజ్ వెడ్డింగ్ కార్ట్
posted on Apr 29, 2015 4:06PM
ప్రముఖ నటుడు, కలెక్షన్ కింగ్ మోహన్ బాబు తనయుడు మనోజ్ నిశ్చితార్థం మార్చి 4న జరిగిన విషయం అందరికి తెలిసిందే. మనోజ్- ప్రణతిరెడ్డి వివాహం మే 20న ఉదయం 9.10 గంటలకు హైటెక్స్ లో జరగనుంది. ఈయన పెళ్లి హడావుడి ఎప్పుడో మొదలైంది. శుభలేఖలు కూడా పంచిపెట్టేశారు. అయితే ఇప్పుడు మంచు మనోజ్ ప్రత్యేకంగా తయారుచేయించిన పెళ్లి కార్డుపై అందరి దృష్టి పడింది. కాషాయ రంగు, ఊదారంగు కాంబినేషన్ లో ఉండి కళంకారి తరహా బొమ్మలతో ప్రత్యేకంగా డిజైన్ చేపించిన వెడ్డింగ్ కార్డు అందరికి తెగ నచ్చేసింది. ప్రధాని మంత్రి మోడీ కూడా కార్డు చూసి మెచ్చుకున్నారట. ఈ వివాహానికి సినిమా రంగానికి, రాజకీయ రంగానికి చెందిన పలువురు ప్రముఖులను మోహన్ బాబు ఆహ్వానించినట్టు సమాచారం.
.WEBP)
.webp)