విజయనగరం జిల్లాలోని నెల్లిమర్లలోని ఒక లేడీస్ హాస్టల్‌లో ఒక కేడీ ప్రవేశించి హడావిడి చేసిన సంఘటన జిల్లాలో సంచలనం సృష్టించింది. అయితే ఈ విషయం కొంత ఆలస్యంగా వెలుగులోకి వచ్చింది. నెల్లిమర్లలోని సాంఘిక సంక్షేమ హాస్టల్‌లోకి ఈనెల నాలుగో తేదీన ఒక ఆగంతకుడు కిటికీలోంచి హాస్టల్‌లోకి ప్రవేశించాడని, హాస్టల్లో కొంతమంది ఆడపిల్లల మీద అత్యాచారయత్నం చేశాడని తెలుస్తోంది. అయితే ఆడపిల్లలు భయంతో కేకలు వేయడంతో అతను పారిపోయాడని చెబుతున్నారు. ఈ విషయంలో పోలీసులు దర్యాప్తు చేసి ఆ వ్యక్తి ఎవరన్నది తేల్చాలని ఆడపిల్లల తల్లిదండ్రులు డిమాండ్ చేస్తున్నారు.