చెప్పుల్లో గంజాయి.. పేషెంట్ల ఎంజాయ్!

సర్వ రోగాలు వచ్చి ఆస్పత్రిలో చేరినా కొంతమందికి బుద్ధి రాదు. అలాంటి రోగులు సికింద్రాబాద్‌ గాంధీ ఆస్పత్రిలో ఫుల్లుగా వున్నారు. రోగాలతో సతమతవుతూ ఇన్ పేషెంట్లుగా వున్నప్పటికీ గంజాయి తాగడం కోసం తంటాలు పడుతూ వుంటారు. అలాంటి రోగులు వున్న సికింద్రాబాద్‌ గాంధీ ఆస్పత్రి ప్రస్తుతం గంజాయి సరఫరాకు అడ్డాగా మారింది. చికిత్స కోసం గాంధీ ఆస్పత్రికి వచ్చే ఖైదీలకు గంజాయి సరఫరా చేసే ఒక వ్యక్తి పోలీసులకు అడ్డంగా దొరికపోయాడు. తాను గంజాయి రవాణా చేస్తూ దొరికిపోకూడదన్న ఉద్దేశంతో సయూమ్ అనే అతగాడు చెప్పుల్లో గంజాయిని పెట్టుకుని ఖైదీలకు అందించేందుకు గాంధీ ఆస్పత్రికి వచ్చాడు. ఈ విషయాన్ని తెలుసుకున్న పోలీసులు అతని చెప్పుల్ని చెక్ చేస్తే వాటిలో దాచిన 20 గంజాయి ప్యాకెట్లు బయటపడ్డాయి. శతకోటి దరిద్రాలకు అనంతకోటి ఉపాయాలు అంటే ఇదేనేమో!