నెల్లూరులో జరిగిన తమిళనాడు ఎక్స్‌ప్రెస్ రైలు ప్రమాద స్థలానికి రైల్వే ఫోరెన్సిక్ నిపుణుల బృందం మంగళవారం ఉదయం నెల్లూరు చేరుకుంది. అగ్ని ప్రమాదానికి గురియైన ఎస్-11 బోగీని రైల్వే నిపుణుల బృందం పరిశీలించింది. బోగి నుంచి కొన్ని నమూనాలను సేకరించింది. కాలిన మృతు దేహాలను నెల్లూరు ప్రభుత్వ ఆసుపత్రిలో భద్రపరిచారు. వీటిలో 13 మృతదేహాలను గుర్తించి వాటిని వారి బంధువులకు అప్పగించారు. ఈ ఘటనలో మృతి చెందిన కుటుంబాలకు రూ.5 లక్షల చొప్పున నష్ట పరిహారం ప్రకటించారు. అలాగే తీవ్రంగా గాయపడిన వారికి లక్ష, స్వల్పంగా గాయపడిన వారికి రూ.25 వేల పరిహారాన్ని ప్రకటించారు. దక్షిణ మధ్య రైల్వే భద్రతా కమిషనర్ డీకె సింగ్ విచారణ జరిపి ఈ ప్రమాదానికి గల కారణాలు తెలుసుకోనున్నారు.