జపాన్‌లో భారీ భూకంపం వచ్చింది. ఈ భూకంపం కారణంగా సునామీ కూడా వచ్చే అవకాశం వుందని తెలుస్తోంది. శనివారం తెల్లవారుజామున టోక్యోకు ఈశాన్యప్రాంతంలో ఉన్న ఫుకుషిమా తీరంలో సముద్ర మట్టానికి 10 కిలోమీటర్ల లోతున ఈ భూకంపం వచ్చింది. 2011లో 19 వేల మంది ప్రాణాలను బలితీసుకున్న పెను భూకంపం, సునామీ వచ్చి అణు విద్యుత్ ప్లాంటు విధ్వంసం జరిగిన ఫుకుషిమా ప్రాంతంలోనే తాజాగా ఈ భారీ భూకంపం వచ్చింది. రిక్టర్ స్కేలు మీద భూకంపం తీవ్రత 6.8గా నమోదైందని వచ్చినట్లు జపాన్ వాతావరణ శాఖ తెలిపింది. ఈ సందర్భంగా జపాన్ ఉత్తర తీరం మొత్తానికి సునామీ హెచ్చరికలు జారీచేశారు. ఫుకుషిమాలోని అణు విద్యుత్ ప్లాంటుకు కూడా ఏమైనా ప్రమాదం వాటిల్లిందేమోనని నిపుణులు పరిశీలిస్తున్నారు.