ఫ్యాక్షనిస్ట్ మద్దెల చెర్వు సూరి హత్యకేసులో ప్రధాన నిందితుడైన భాను ఇటీవల కొంతకాలం క్రితం వరకు కృష్ణాజిల్లాకు చెందిన ఒక యువ తెలుగుదేశం నాయకుడి సంరక్షణలో ఉన్నట్లు తెలిసింది. భాను గతంలో విజయవాడలో కు సెటిల్మెంట్స్ చేశాడు. భానుకు షెల్టర్ ఇచ్చిన ఈ యువ నాయకుడు గతంలో పరిటాల రవి వద్ద ఉండేవాడు. పరిటాల రవి హత్య కేసులో నిందితుడైన మద్దెల చెర్వు సూరిని అతని అనుచరుడు భాను హత్య చేశాడు. హత్యానంతరం తెలుగుదేశం పార్టీ నేత ఇతనికి చాలా రోజులు ఆశ్రయం ఇచ్చినట్లు తెలిసింది. ఈ విషయం ఆలస్యంగా పార్టీ అధినాయకత్వానికి తెలియడంతో ఆ యువ నేతను తీవ్రంగా మందలించినట్లు తెలిసింది. ఈ విషయం బైటకు పొక్కితే పార్టీ పరువు పోతుందని అధినాయకత్వం భయపడింది. దీంతో భానును గత్యంతరం లేక వేరే షెల్టర్ వెతుక్కోవాల్సి వచ్చింది. పోలీస్ యంత్రాంగం చాలా కాలంగా భాను కోసం తీవ్రంగా గాలిస్తోంది.

 

భాను నమ్మించి సూరిని హతమార్చాడు. ఈ హత్య వెనుక ఉన్న అనేక కారణాలతో పాటు ఒక టి.వి. న్యూస్ రీడర్ తో ఉన్న రిలేషన్స్ కూడా ఒక కారణమైనట్లు తెలుస్తోంది. ఈ న్యూస్ రీడర్ మొదట భానుతో సన్నిహితంగా ఉండేది. అతని ద్వారా సూరికి పరిచయమైంది. సూరి ఈమెను తన జీవిత భాగస్వామి చేసుకోవాలని భావించడం భానుకు ఏ మాత్రం నచ్చలేదు. సూరిపై కక్ష పెంచుకోడానికి ఈ అంశం కూడా ఒక కారణమైందని తెలుస్తోంది.