విపక్షాల అందోళన.. లోక్ సభ వాయిదా
Published on: Mon Jul 7, 2014 11:50AM
.jpg)
లోక్ సభ సమావేశాలు ప్రారంభమైన కొద్దిసేపటికే వాయిదా పడ్డాయి. సమావేశాలు ప్రారంభమైన వెంటనే స్పీకర్ సుమిత్ర మహాజన్ ప్రశ్నోత్తరాల కార్యక్రమం చేపట్టారు. విపక్షాలు మాత్రం ధరల పెరుగుదలపై చర్చకు పట్టుబట్టాయి. స్పీకర్ వారి అందోళనల మధ్యే ప్రశ్నోత్తరాల కార్యక్రమాన్ని కొనసాగించడంతో.. విపక్షాలు స్పీకర్ పోడియం వద్దకు చేరి నినాదాలు చేశారు. సభ్యులు శాంతించాలని స్పీకర్ కోరిన వారు తమ ఆందోళనను కొనసాగించడంతో సభను మధ్యాహ్నం 12గంటల వరకు వాయిదా వేశారు. అంతకముందు సభ ప్రారంభమైన వెంటనే ఆంధ్రప్రదేశ్ లో గెయిల్ గ్యాస్ పైప్ లైన్ పేలుడు ఘటన, తమిళనాడు చెన్నైలో భవనం కూలిన ఘటనలో మృతులకు సభ్యులు సంతాపం తెలిపారు.


