హైదరాబాద్ ఖైరతాబాద్‌ లోని ఓ అపార్ట్‌మెంట్‌లో హృదయవిదారక ఘటన చోటుచేసుకుంది. లిఫ్ట్ గుంతలో పడి ఓ మహిళ ప్రాణాలు కోల్పోగా, ఆమెతో ఉన్న చిన్నారి తీవ్రంగా గాయపడ్డాడు. ఈ ఘటన తో ఆ కుటుంబంలో తీవ్ర విషాదఛాయలు అలుము కున్నాయి.  ఖైరతాబాద్ లో ని ఆనంద్ నగర్ కాలనీలో ఉన్న భావన అపార్ట్మెంట్ ఐదవ అంతస్తులో నివాస ముంటున్న రాధ(58) అనే మహిళ తన ఏడాది న్నర వయసున్న మనుమడు జియోల్ తో కలిసి లిఫ్ట్ ఎక్కేందుకు ప్రయత్నిం చారు. అయితే కొద్దిసేపు లిఫ్ట్ డోర్ తెరుచు కోకపోవ డంతో ఆమె అక్కడే వేచి ఉన్నారు. తర్వాత మరో సారి డోర్ ఓపెన్ చేసేందుకు ప్రయత్నించారు. అదే సమ యంలో లిఫ్ట్ క్యాబిన్ ఐదవ అంతస్తుకు చేరక ముందే డోర్ తెరుచుకోవ డంతో, లోపల ఖాళీ షాఫ్ట్ ఉందని గమనించకుండా రాధ లోపల అడుగు పెట్టారు.

ఒక్కసారిగా బ్యాలెన్స్ కోల్పోయి ఆమె ఐదవ అంతస్తు నుండి మొదటి అంతస్తులో పడిపోయారు. ఈ ప్రమాదంలో రాధ తలకు తీవ్ర గాయాలు కావడంతో ఆమె అక్కడికక్కడే మృతి చెందారు.ఆమె చేతిలో ఉన్న చిన్నారికి తీవ్ర గాయాలయ్యాయి. పెద్ద శబ్దం రావడంతో అపార్ట్‌ మెంట్ వాసులు వెంటనే అక్కడికి చేరుకుని రాధ, బాలుడిని లిఫ్ట్ గుంతలో నుండి బయటకు తీశారు. అయితే అప్పటికే రాధ మృతి చెందినట్లు నిర్ధారిం చారు. తీవ్ర గాయాలైన బాలుడిని వెంటనే స్థానిక హాస్పిటల్ కి తరలించారు.