అడవిలో నీటి వనరులు కరవవ్వడం వణ్యప్రాణులకు ప్రాణ సంకటంగా మారింది. నీటిని వెతుక్కుంటూ జనావాసాలలోకి వస్తున్న వన్యప్రాణులు మృత్యువాత పడుతున్నాయి. తాజాగా కుక్కల దాడిలో ఓ చిరుతపులి పిల్ల మరణించిన సంఘటన కడప జిల్లాలో జరిగింది.

దువ్యూరు మండలం చినబకరాపురంలో ఈ సంఘటన వెలుగులోకి వచ్చింది. ఎండల తీవ్రత కారణంగా నీటిని వెతుక్కుంటూ ఓ చిరుతపులి పిల్ల అడవిలో నుంచి గ్రామంలోకి వచ్చింది. నీటి కోసం వచ్చిన చిరుతపులి పిల్లపై వీధి కుక్కలు దాడి చేయడంతో ఆ చిరత పిల్ల మరణించింది.

పొలంలో చిరుతపులి పిల్ల మరణించి పడి ఉండడాన్ని గమనించిన స్థానికులు అటవీ శాఖ అధికారులకు సమాచారం ఇచ్చారు.   అటవీశాఖ డీఆర్ఓ అన్వర్ హుస్సేన్ సంఘటనా స్థలానికి చేరుకుని పరిశీలించారు. వీధికుక్కల దాడిలోనే చిరుత పులిపిల్ల చనిపోయిందని నిర్ధారించారు.