కృష్ణా జిల్లాలో రిజిస్ట్రేషన్లు నిలిపివేత
Published on: Fri Jul 4, 2014 7:42PM

ఆంధ్రప్రదేశ్ రాష్ట్రానికి రాజధాని గుంటూరు, విజయవాడల మధ్యన ఏర్పడబోతుందన్న ఊహాగానాల నేపథ్యంలో గుంటూరు, కృష్ణా జిల్లాలో రియల్టర్లు వాలిపోయారు. రెండు జిల్లాలలో పెద్ద ఎత్తున భూమి లావాదేవీలు నడుస్తున్నాయి. ఇటీవల రాజధాని కోసం వేసిన కమిటీ కూడా గుంటూరు,కృష్ణా మధ్యలో రాజధాని నిర్మాణానికి ఆసక్తి చూపుతుండడంతో రియల్టర్లు భూముల కొనుగోళ్లకోసం వాలిపోయారు. భారీ ఎత్తున భూ కొనుగోళ్ల నేపథ్యంలో ఆంధ్రప్రదేశ్ ముఖ్యమంత్రి చంద్రబాబు నాయుడు గుంటూరు కృష్ణా జిల్లాలలో రిజిస్ట్రేషన్లను నిలిపివేయించారు. ఈ మేరకు ఆంధ్రప్రదేశ్ ప్రభుత్వం ఉత్తర్వులు జారీ చేసింది. రాజధాని నిర్మాణానికి భూసేకరణ జరపడానికి ఈ కొనుగోళ్లు ఇబ్బందికరంగా మారుతుందని ఈ మేరకు నిర్ణయం తీసుకున్నారు. మార్కెట్ డిమాండ్ కు ..కొనుగోళ్లకు ఏ మాత్రం పొంతన లేకపోవడం కూడా మరో కారణం.


