లాలూగారి అల్లుడి కారుని… దొంగలు ఎత్తుకుపోయారు!
Published on: Thu Feb 4, 2016 1:42PM

అందరికీ శకునం చెప్పే బల్లి తనే కుడితిలో పడిందని సామెత. బీహార్ నాయకుడు లాలూకి ఇలాంటి ప్రమాదమే ఎదురైంది. ఆయన అల్లుడు వినీత్ యాదవ్గారి కారుని నిన్న దొంగలు ఎత్తుకుపోయారు. అది కూడా దొంగచాటుగా కాదు. వినీత్ యాదవ్ అల్లంత దూరం నుంచీ చూస్తుండగానే, ఆయన డ్రైవరుని పిస్తోలుతో బెదిరించి కారుని నడుపుకుంటూ వెళ్లిపోయారు. దిల్లీకి అతి చేరువలో ఉన్న పారిశ్రామిక నగరమైన గుర్గావ్లో ఈ సంఘటన జరిగింది. ఈ విషయం గురించి తెలుసుకున్న లాలూ వెంటనే గుర్గావ్ పోలిస్ కమీషనర్కు ఫోన్ చేశారు. కానీ ఇప్పటి వరకూ దొంగల ఆచూకీ లభించనేలేదు. ఇంతకీ ఆ కారు లాలూగారి అల్లుడిదని తెలిస్తే దొంగలు ఈ పని చేసేవారో లేదో! ఇలాంటి పెద్దల ఆస్తులకే ఈ దేశంలో రక్షణ కరువైతే మరి సామాన్యుడి పరిస్థితి ఏంటి?


