ఓటమి బాటలో లాలూ కొడుకులు
Published on: Sun Nov 8, 2015 10:22AM

బీహార్ ఎన్నికల కౌంటింగ్ సందర్భంగా మహా కూటమి భారీ స్థాయిలో ముందంజలో వుంది. ఇది ఆర్జేడీ, జేడీయూ నాయకులకు ఆనందాన్ని కలిగిస్తోంది. అయితే ఆర్జేడీ నాయకుడు లాలూ ప్రసాద్ యాదవ్ మాత్రం పూర్తిస్థాయిలో ఆనందాన్ని పొందలేకపోతున్నారు. కారణం ఏమిటంటే, ఈ ఎన్నికలలో పోటీ చేసిన లాలూ ఇద్దరు కుమారులు తేజ్ ప్రతాప్ యాదవ్, తేజస్వి యాదవ్ తమ ప్రత్యర్థుల కంటే వెనకబడి వున్నారు. తేజ్ ప్రతాప్ మహువా నియోజకవర్గం నుంచి, తేజస్వి యాదవ్ రాఘోపురా నియోజకవర్గం నుంచి పోటీలో వున్నారు. వీరిద్దరూ మొదట్లో ఆధిక్యంలో ఉన్నప్పటికీ, ఆ తర్వాత వెనకబడ్డారు. వీరిద్దరూ ఓటమి బాటలో వున్నట్టు సమాచారం.


