రాష్ట్ర విభజనను నిరసిస్తూ విజయవాడ ఎంపీ లగడపాటి రాజగోపాల్ ఇటీవల తన పదవికి రాజీనామా చేస్తూ స్పీకర్ కు లేఖ అందజేసిన విషయం తెలిసిందే. అయితే తన రాజీనామాను ఆమోదించడంలేదని లగడపాటి ఢిల్లీ హైకోర్టులో పిటిషన్ దాఖలు చేశారు. రాజీనామా లేఖ అందజేసి 65 రోజులు గడుస్తున్నప్పటికీ దానిని స్పీకర్ ఆమోదించలేదని, దానిని ఆమోదించేలా ఆదేశాలు ఇవ్వాలని కోరారు. స్పీకర్ రాజీనామా పైన నిర్ణయం తీసుకోకపోవడంతో తాను ఇష్టం లేకున్నా పదవిలో కొనసాగుతున్నానని పేర్కొన్నారు. తన రాజీనామాపై నిర్ణయం తీసుకోవాలని పలుమార్లు స్పీకర్‌ను కోరానన్నారు.