లగడపాటిని లాగేశాడు
Published on: Wed Jan 22, 2014 4:47PM
.jpg)
సమైక్యాంధ్ర పరిరక్షణ సమితి ఆధ్వర్యంలో తెలంగాణకు వ్యతిరేకంగా ఇందిరాపార్క్ వద్ద జరుగుతున్న సభకు తెలంగాణ విద్యార్థులు వచ్చారు. లగడపాటి రాజగోపాల్ ప్రసంగిస్తున్న సమయంలో జై తెలంగాణ నినాదాలతో తెలంగాణ విద్యార్థి సంఘం నేత బండి ప్రకాష్ లగడపాటిని స్టేజీ మీద నుండి కిందకు లాగేశాడు. దీంతో ఆయన కిందపడిపోయారు. సభను అడ్డుకుంటామని ప్రకటించిన విద్యార్థులు పోలీసుల కళ్లుగప్పి సభావేదిక వద్దకు చేరుకున్నారు. కొంతమంది విద్యార్థులు సభావేదిక మీదకు చెప్పులు విసిరారు. లగడపాటిని కిందకు లాగిన వెంటనే అప్రమత్తమయిన పోలీసులు విద్యార్థి నేత బండి ప్రకాష్ ను అదుపులోకి తీసుకుని అరెస్టు చేశారు. ఈ సంఘటనతో ఇందిరాపార్క్ పరిసరాలలో ఉద్రిక్త పరిస్థితులు నెలకొన్నాయి.


