ఇదివరలో చైన్‌ స్నాచర్లు ,పర్సుల దొంగలు , బ్యాంకులో నుండి డబ్బుతెస్తుండగా మాయమాటలతో మోసం చేసే ఘరానా దొంగలంతా మగవాళ్లే వుండేవారు. ఇప్పుడు కాలం మారింది మాకేం తక్కువ అనుకున్నారేమో మహిళలు కూడా అఘాయత్యాలకు తెగబడుతున్నారు. స్కూటీలమీద స్కార్ప్‌ కట్టుకుని మొఖం కనిపించకుండా రావడం అటూ ఇటూ చూసి వంటరిగా ఉన్న ఆడవారి మెడలోని గొలుసులు లాక్కుపోవడంతో ఈ ఆడదొంగలను పట్టుకోవడం పోలీసులకు తలనొప్పిగా మారింది. ఇదివరలో ప్రొఫెషన్‌ దొంగలు వుండేవారు కాబట్టి దొంగతనం చేసిన పద్దతిని బట్టి దొంగలు ఎక్కడివారనేది పోలీసువారికి కొంత అవగాహన వుండేది. అయితే ఇప్పుడు పార్టీలకోసం, జల్సాలకోసం యువతరం దొంగతనాలు చేయడంతో పోలీసులకు కొత్తతరం దొంగలను పట్టుకొనడం పెద్ద సవాలుగా మారింది. ఈ నేపధ్యంలో ఈ లేడీ కిలాడీలు పోలీసులకు మరింత అసహనాన్ని కలిగిస్తున్నారు.