హెరిటేజ్ సంస్థ కోసమే ఏపీ ముఖ్యమంత్రి చంద్రబాబు సొంత నియోజకవర్గం కుప్పంలో ఎయిర్ పోర్ట్ నిర్మిస్తున్నారని  ఏపీసీసీ చీఫ్ రఘువీరారెడ్డి ఆరోపించారు, ఎయిర్ పోర్ట్ భూసేకరణకు వ్యతిరేకంగా ఆ ప్రాంతంలో పర్యటించిన తనపై టీడీపీ శ్రేణులు రాళ్లతో దాడి చేయడంపై రఘువీరా మండిపడ్డారు, బాధితులకు కాంగ్రెస్ పార్టీ అండగా ఉంటుందని, భూములు ఇవ్వడానికి ఇష్టంలేని రైతుల నుంచి బలవంతంగా తీసుకుంటే ఊరుకోబోమని హెచ్చరించారు, కుప్పంలో ఎయిర్ పోర్ట్ నిర్మించాలనుకుంటే 200 ఎకరాలు సరిపోతాయని, దానికి గ్రామం పక్కనే ఉన్న అటవీ భూములను వాడుకోవచ్చని ప్రభుత్వానికి సూచించారు. అయితే ఎయిర్ పోర్ట్ కోసం భూములు ఇవ్వడానికి మెజార్టీ రైతులు తీవ్రంగా వ్యతిరేకిస్తున్నారు, బలవంతంగా భూమలు తీసుకుంటే సామూహికంగా ఆత్మహత్యలకు పాల్పడతామని రైతులు హెచ్చరిస్తున్నారు.