చారిత్రాత్మక మేరీలెబోన్ క్రికెట్ క్లబ్ (ఎంసిసి) మొదటి బ్రిటీష్ యేతర అధ్యక్షుడిగా శ్రీలంక మాజీ కెప్టెన్ కుమార్ సంగక్కర మంగళవారం బాధ్యతలు స్వీకరించారు. శ్రీలంక మాజీ వికెట్ కీపర్-బ్యాట్స్ మాన్ ఎంసిసి కి  మొదటి బ్రిటీష్ యేతర అధ్యక్షుడు, ఈ పదవిని ఒక సంవత్సరం పాటు నిర్వహిస్తారు. మేలో లార్డ్స్‌లో జరిగిన ఎంసిసి వార్షిక సర్వసభ్య సమావేశంలో అవుట్‌గోయింగ్ ప్రెసిడెంట్ ఆంథోనీ వ్రేఫోర్డ్ అతని నామినేషన్‌ను ప్రకటించారు.

"ఎంసిసి ప్రెసిడెంట్  ప్రతిష్టాత్మక పదవిని పొందడం నాకు చాలా ఆనందంగా ఉంది, ఈ అద్భుతమైన క్రికెట్ సంవత్సరాన్ని నిర్మించడానికి ఎంసిసి తో కలిసి కృషి చేయాలని నేను ఎదురుచూస్తున్నాను" అని సంగక్కర ఒక ప్రకటనలో తెలిపారు, అలాగే "క్రికెట్  కోసం స్థానికంగా, జాతీయంగా మరియు ప్రపంచవ్యాప్తంగా ఎంసిసి చేసే అద్భుతమైన పని గురించి వారికి అవగాహన కల్పించే అవకాశం మాకు ఉంది" అని ఆయన చెప్పారు.

"ఎంసిసి ప్రెసిడెంట్ పాత్రను పోషించడానికి సంగక్కర కంటే గొప్ప వ్యక్తి మరొకరు లేరు. కమ్యూనిటీలను నిమగ్నం చేయడానికి క్రికెట్ శక్తిని అతను గట్టిగా నమ్ముతున్నాడు మరియు ఎంసిసి చేసే ముఖ్యమైన పనికి అతను కీలక రాయబారిగా ఉంటాడు. " అని అవుట్గోయింగ్ ఎంసిసి ప్రెసిడెంట్ వ్రెఫోర్డ్  అన్నారు.

"కుమార్ లార్డ్స్ వద్ద మాత్రమే కాకుండా, క్లబ్ యొక్క ప్రపంచ స్థితిపై నిరంతర ప్రభావాన్ని చూపగలడు. ఎంసిసి  మొట్టమొదటి బ్రిటీష్ కాని అధ్యక్షుడిగా అతని ప్రపంచవ్యాప్త విజ్ఞప్తి, ఈ ప్రాంతంలో సానుకూల ప్రభావాన్ని చూపడానికి వీలు కల్పిస్తుంది. ” అని వ్రెఫోర్డ్  అన్నారు.