ఆ నీళ్లు తెలంగాణకు ఎంత..?ఆంధ్రాకు ఎంత.?
posted on Sep 22, 2017 3:44PM
కృష్ణానదీ జలాల పంపిణి విషయమై తెలంగాణ, ఆంధ్రప్రదేశ్ మధ్య నెలకొన్న వివాదాలను పరిష్కరించేందుకు కృష్ణా రివర్ మేనేజ్మెంట్ బోర్డు కీలక సూచనలను చేసింది. తాగునీటి అవసరాల కోసం ఇరు రాష్ట్రాలకు 22 టీఎంసీల నీటిని కేటాయించింది..ఏపీకి 16, తెలంగాణకు 6 టీఎంసీల నీటిని కేటాయిస్తూ ఆదేశాలు జారీ చేసింది. అయితే శ్రీశైలం రిజర్వాయర్లో 854 అడుగులు, నాగార్జున సాగర్లో 510 అడుగుల నీటిమట్టాన్ని ఖచ్చితంగా నిర్వహించాలని ఇరు రాష్ట్రాలకు సూచించింది. ఈ ఉదయం హైదరాబాద్ జలసౌధలో జరిగిన సమావేశంలో బోర్డు కార్యదర్శి సమీర్ చటర్జీతో పాటు తెలంగాణ నీటి పారుదల శాఖ ఇంజినీరింగ్ ఇన్ చీఫ్ మురళీధర్, ఆంధ్రప్రదేశ్ జలవనరుల శాఖ ఇంజినీర్ ఇన్ చీఫ్ వెంకటేశ్వరరావుతో పాటు ఇతర అధికారులు పాల్గొన్నారు.