పొన్నాలపై కోమటిరెడ్డి ఫైర్
Published on: Wed Jun 11, 2014 11:36PM

మాజీమంత్రి, కాంగ్రెస్ ఎమ్మెల్యే కోమటిరెడ్డి వెంకటరెడ్డి తెలంగాణ పీసీసీ అధ్యక్షుడు పొన్నాల లక్ష్మయ్యపై తీవ్రస్థాయిలో విరుచుకుపడ్డారు. శాసనసభ కమిటీ హాల్లో బుధవారం కాంగ్రెస్ శాసనసభాపక్ష సమావేశం జరిగింది. ఈ సమావేశం ప్రారంభం నుంచి గరమ్ గరమ్గా వున్న కోమటిరెడ్డి వెంకటరెడ్డి అదును చూసుకుని టీపీసీపీ అధ్యక్షుడు పొన్నాల లక్ష్మయ్యపై ఫైర్ అయ్యారు. ఎమ్మెల్యేగా కూడా గెలవని పొన్నాల సీఎల్పీ సమావేశానికి అధ్యక్షత వహించడం తాను భరించలేనని అంటూ కోమటిరెడ్డి వెంకటరెడ్డి సీఎల్పీ సమావేశం నుంచి వాకౌట్ చేశారు. పొన్నాల వల్లే కాంగ్రెస్ పార్టీ పరాజయం పాలైందని ఈ సందర్భంగా కోమటిరెడ్డి విమర్శించారు. ఓటమికి బాధ్యత వహించి పొన్నాల తన పదవి నుంచి, కాంగ్రెస్ పార్టీ నుంచి తప్పుకుంటే బాగుండేదని కోమటిరెడ్డి అన్నారు.


