ఏపీ అసెంబ్లీ స్పీకర్ కోడెల శివప్రసాద్ పై వైసీపీ నేతలు అవిశ్వాస తీర్మానం ఇచ్చారు. జ్యోతుల నెహ్రూ ఆధ్వర్యంలో అసెంబ్లీ కార్యదర్శిని కలిసి ఆర్టికల్ 179 (సి) ప్రకారం అవిశ్వాస నోటీసులు అందించారు. ఈనెల 18 న జరిగిన ప్రొసిడింగ్ వీడియో ఫూటేజ్ ను అందించాలని వైసీపీ నేతలు అసెంబ్లీ కార్యదర్శిని కోరినట్టు తెలుస్తోంది. శాసన సభలో రోజాకు సంబంధించిన వీడియోలు కొన్ని సోషల్ మీడియాలో హల్‌చల్ చేస్తున్నాయి..రోజాకు చెందిన వీడియోలు బయటకు ఎలా వచ్చాయని అసెంబ్లీ కార్యదర్శిని అడిగి ఆరా తీసినట్టు తెలుస్తోంది.సభాపతి అంటే నిష్పక్షపాతంగా వ్యవహరించాలన్నారు. తొలి సమావేశం నుంచి స్పీకర్ కోడెల శివప్రసాద రావు ఏకపక్షంగా వ్యవహరిస్తున్నారని ఆరోపించారు. అందుకే స్పీకర్ పై అవిశ్వాస తీర్మానం ఇస్తున్నామని తెలిపారు.