అమరావతిలో శాసన రాజధాని కూడా వద్దు.. సీఎం జగన్ తో కొడాలి నాని
Published on: Tue Sep 8, 2020 9:57AM
కొద్దిరోజుల క్రితం మంత్రి కొడాలి నాని రాజధాని అమరావతి విషయంలో సెన్సేషనల్ కామెంట్స్ చేసిన సంగతి తెలిసిందే. జగన్ ప్రభుత్వం రాజధాని అమరావతిలో పేదలకు ఇళ్ల స్థలాల కోసం భూములు కేటాయించగా.. భూములిచ్చిన రైతులు హైకోర్టుకు వెళ్లగా స్టే ఇచ్చిన సంగతి తెలిసిందే. 55000 మంది పేదలకు పట్టాలు ఇస్తే దానికి వ్యతిరేకంగా స్టే తెచ్చుకున్న అమరావతిలో శాసన రాజధాని కూడా ఉండడానికి వీల్లేదని తాజాగా మంత్రి కొడాలి నాని సీఎం జగన్ కు సూచించినట్లుగా తెలిపారు. దీని పై అన్ని పక్షాలతో మాట్లాడి ఒక నిర్ణయం తీసుకోవాలని కూడా సీఎం జగన్ ను కోరానని నాని తెలిపారు. అంతే కాకుండా చంద్రబాబుకు జనంలో బలం లేదని ఉన్నదే 23 మంది.. వారిలో కూడా కొంత మంది చేజారి పోయారని అన్నారు. ఇక లోకేష్ విషయానికి వస్తే ఆయనని ఎమ్మెల్యేను చేయడం ఎవరి తరము కాదని అయన సెన్సేషనల్ కామెంట్స్ చేసారు. అంతేకాకుండా తాను రాజకీయాల్లో ఉన్నంతవరకు సీఎం జగన్ వెన్నంటి ఉండి దుష్ట శక్తులను ఎదుర్కొంటానని అయన అన్నారు.


