కృష్ణాజిల్లా గుడివాడ ఎమ్మెల్యే కొడాలి నానికి పార్టీ అధినేత జగన్ కీలక భాద్యతలు అప్పగించినట్టు తెలుస్తోంది. అధికార పార్టీ అయిన టీడీపీకి కృష్ణజిల్లా కంచుకోట లాంటిది. అలాంటి కృష్ణాజిల్లాలో కొడాలి నాని ఒక విధంగా ఒంటరి పోరాటమే చేస్తున్నారని చెప్పొచ్చు. ఈ నేపథ్యంలోనే ఆయనను పార్టీ రాష్ట్ర ప్రధాన కార్యదర్శిగా నియమిస్తూ ఆ పార్టీ కేంద్ర కార్యాలయం ఉత్తర్వులు జారీ చేసింది. ఇక దివంగత సీఎం వైఎస్ రాజశేఖరరెడ్డి కేబినెట్ లో కీలక మంత్రిగా పనిచేసిన పార్టీ నేత కొలుసు పార్థసారధిని కృష్ణా జిల్లా అధ్యక్షుడిగా నియమిస్తూ పార్టీ కార్యాలయం ఉత్తర్వులు జారీ చేసింది.