కృష్ణాజిల్లా.. గుడివాడ వైకాపా ఎమ్మెల్యే కొడాలి నాని టీడీపీలోకి చేరేందుకు సిద్దమవుతున్నట్టు వార్తలు వస్తున్నాయి. ప్రస్తుతం వైకాపా ఎమ్మెల్యేగా ఉన్న కొడాలి నాని గతంలో టీడీపీ ఎమ్మెల్యేగా కూడా పనిచేశారు. పార్టీ ఏదైనా ఆ నియోజకవర్గం నుండి నాని గెలవడం ఖాయం అన్నట్టు ఏర్పడింది పరిస్థితి. 2004, 2009 లో కాంగ్రెస్ పార్టీ ప్రభంజనం ఎక్కువగా ఉన్న నేపథ్యంలో కూడా టీడీపీ నుండి ఆయన గెలుపు సాధించారు. ఆ తరువాత 2014లో టీడీపీ నుండి వైకాపా కి జంప్ అయి ఆపార్టీ నుండి కూడా గెలుపొందాడు. అలాంటి నాని ఇప్పుడు టీడీపీ లోకి రావడానికి సిద్దమవుతున్నట్టు రాజకీయ వర్గాలు చర్చించుకుంటున్నాయి. దీనికి ఆపార్టీ నేత వైఎస్ జగనే కారణమంట. ఎందుకంటే.. జ‌గ‌న్ త‌న‌కు స‌రైన ప్ర‌యారిటీ ఇవ్వ‌డం లేద‌ని ఫీలవుతున్నారంట. అంతేకాదు.. ఇటీవ‌ల గుడివాడ‌లోను, బంద‌రు పోర్టు విష‌యంలో జ‌రిగిన ఆందోళ‌న‌ల్లో పార్టీ నుంచి త‌న‌కు అంత‌గా మ‌ద్ద‌తు రాక‌పోవ‌డం.. అలాగే జిల్లా పార్టీ ప‌గ్గాలు అప్ప‌గించే విష‌యంలో జ‌గ‌న్ వ్య‌వ‌హ‌రించిన తీరు కూడా నానికి న‌చ్చ‌లేద‌ని తెలుస్తోంది. ఇవన్నీ కలిసి నాని టీడీపీ వైపు రావడానికి కారణాలు అని తెలుస్తోంది. మరోవైపు నాని అనుచరులు కూడా తనను టీడీపీలోకి రావాలని కోరుకుంటున్నారంట. అయితే నాని టీడీపీలోకి వస్తానంటే పార్టీ నేతలు హ్యాపీగానే ఉన్నా దీనికి చంద్రబాబు నుండి కూడా గ్రీన్ సిగ్నల్ రావాలి మరి.