మొత్తానికి ఇండియాటుడే పుణ్యమాని ఆంధ్రప్రదేశ్ సీఎంకి ఉపశమనం లభించింది. రాష్ట్ర ముఖ్యమంత్రిగా పీఠమెక్కాక...ఆయనకు ఎదురైనవన్నీ తలనొప్పులే. ఓరకంగా చెప్పాలంటే ఇన్ని రకాల ఒత్తిళ్లు మారే ముఖ్యమంత్రికి ఎదుర్కొలేదనడం కూడా అతిశయోక్తి కాదు. డ్రామాలాడుతున్నావంటూ సీమాంధ్ర నేతలు, తెలంగాణ ద్రోహి అంటూ టి.నేతలు తిట్టిపోస్తుంటే, పాలన అటకెక్కి౦దంటూ పలు సంఘాలు ఆందోళన చేస్తూంటే..దేశవ్యాప్తంగా రాష్ట్ర ప్రభుత్వాల పనితీరు ఆధారంగా ఇండియాటుడే పత్రిక ఇచ్చే ర్యా౦కుల్లో కిరణ్ పాలనకు 'ఉత్తమ' స్థానం దక్కడం విశేషం. శుక్రవారం ఢిల్లీ లో ఈ అవార్డ్ ను అందుకుంటున్న కిరణ్...దీనితోనైనా రీచార్జ్ అవుతారేమో...చూద్దా౦.