TeluguOne Health
● # Tweets

Download the TeluguOne App

Choose your platform to continue

కేజ్రీవాల్ కు చేదు అనుభవం.. సిరా చల్లిన యువతి

Published on: Mon Jan 18, 2016 11:09AM

ఢిల్లీ ముఖ్యమంత్రి కేజ్రీవాల్ కు ఓ చేదు అనుభవం ఎదురైంది. కేజ్రీవాల్ ఇటీవలే ఢిల్లీలోని కాలుష్యాన్ని నివారించేందుకు గాను సరి-బేసి విధానాన్ని అమలు చేసిన సంగతి తెలిసిందే. అయితే తాను ప్రయోగాత్మకంగా చేపట్టిన పథకం విజయవంతం కావడంతో ప్రజలకు కృతజ్ఞతలు తెలియడానికి ప్రభుత్వం ఓ కార్యక్రమం చేపట్టింది. ఈ కార్యక్రమం సందర్భంగా కేజ్రీవాల్ మాట్లాడుతున్న సమయంలో సుమారు 20 ఏళ్ల వయసున్న ఆ యువతి అతని ముందున్న స్టాండ్ వద్దకు చేరుకుంది. తరువాత ఏవో కొన్ని పేపర్లు చూపిస్తూ కేజ్రీవాల్ పై సిరా పోసింది. దీంతో అక్కడున్న వారందరూ ఒక్కసారిగా షాకయ్యారు. పోలీసులు వెంటనే తేరుకొని ఆమెను పక్కకు లాక్కెళ్లగా.. ఆమె వద్ద ఉన్న పత్రాలను స్వీకరించి, ఆమెను వెళ్లిపోనివ్వాలని ముఖ్యమంత్రి అధికారులను ఆదేశించారు. అంతేకాదు ప్రసంగం ముగిసిన తరువాత తనపై సిరా చల్లిన యువతి సమస్యలను పరిశీలించి, పరిష్కరించాల్సిందిగా ముఖ్యమంత్రి అధికారులను ఆదేశించారు.