కేసీఆర్ కు మెట్రో కౌంటర్
Published on: Thu Nov 7, 2013 3:01PM
కేసీఆర్ హైదరాబాద్ మెట్రో రైల్ మీద చేసిన ఆరోపణలపై మెట్రో రైల్ ఎండీ ఎన్‌వీఎస్‌ రెడ్డి స్పందించారు. అంతా పద్ధతి ప్రకారమే జరుగుతోందనీ, ఇప్పటిదాకా మెట్రో రైల్ కోసం నాలుగు వేల కోట్ల రూపాయలు ఖర్చు చేశామనీ, మెట్రో రైల్ ముసుగులో ప్రభుత్వ పెద్దలకు ముడుపులు అందుతున్నాయన్న ఆరోపణల్లో నిజం లేదని ఆయన స్పష్టం చేశారు. ఐదేళ్ళుగా మెట్రో రైల్‌ని అడ్డుకోవడానికి చాలా రాజకీయ ప్రయత్నాలు జరిగాయనీ, 2015 నాటికి ఎట్టి పరిస్థితుల్లోనూ మెట్రో రైల్‌ని ప్రజలకు అందుబాటులోకి తీసుకొస్తామని ఎన్‌వీఎస్‌ రెడ్డి చెప్పుకొచ్చారు. టెండర్లు, భూ పరిహారం చెల్లింపులు వంటివన్నీ నిబంధనలకు అనుగుణంగానే జరిగాయన్నారాయన.
