హైదరాబాద్‌లోని ఐటీసీ కాకతీయ ఫ్యాప్సీ, ఫిక్కీ సీఐఐ ప్రతినిధులతో నూతన పారిశ్రామిక విధానంపై చర్చించేందుకు తెలంగాణ సీఎం కేసీఆర్‌ భేటీ అయ్యారు. ఈ సందర్భంగా కేసీఆర్‌ మాట్లాడారు. పరిశ్రమల ఏర్పాటుకు సింగిల్‌ విండో విధానం ఏర్పాటు చేసి పారిశ్రామికవేత్తలను ప్రోత్సహించనున్నట్టు ఆయన తెలిపారు. సీఎం కార్యాలయానికఇనుసంధానంగా ప్రత్యేక సెల్‌ ఏర్పాటు చేయనున్నట్టు చెప్పారు. పూర్తి పారదర్శకంగా నతన పారిశ్రామిక విధానం ఉంటుందన్నారు. పరిశ్రమల ఏర్పాటుకు 24 గంటలు విద్యుత్‌ అవసరమని, విద్యుత్‌ సమస్యను అధిగమించేందుకు చర్యలు చేపట్టినట్టు తెలిపారు. తెలంగాణ అభివృద్ధి కోసం పారిశ్రామిక వేత్తలు ముందుకొస్తున్నారని, మంచి పరిశ్రలను ప్రోత్సహిస్తామని ఆయన చెప్పారు. తెలంగానలో అవినీతి లేని పాలన అందిస్తామని చెప్పారు.