బాబుతో చర్చకు సిద్దం: కెసిఆర్
posted on Dec 11, 2013 4:31PM
టీడీపీ అధినేత నారా చంద్రబాబునాయుడు, తెలంగాణ రాష్ట్ర సమితి అధ్యక్షుడు కల్వకుంట్ల చంద్రశేఖర్రావు పైన చేసిన విమర్శలకు ఆయన తీవ్రస్థాయిలో మండిపడ్డారు. ఈ రోజు మీడియా ముందుకొచ్చి, చంద్రబాబు నాయుడు పైన విమర్శలు చేసేశారు. ‘ఫామ్ హౌస్లో పడుకుంటే నీకేంటి.. ఎందుకంత బాధ.. నువ్వూ రావొచ్చు..’ అని ఎద్వేవా చేశారు కేసీఆర్. తన అధికారం పోయింది తెరాస వల్లేనని చంద్రబాబు బాధ అన్నారు. తాను పద్నాలుగేళ్లుగా తెలంగాణ ప్రజలకు ఏం చేశానో అందరికీ తెలుసునన్నారు. చంద్రబాబులా హైదరాబాదులో ఉండి లక్షల కోట్ల విలువైన తెలంగాణ భూములను వైయస్, చంద్రబాబు అమ్మేశారన్నారు. బాబుతో తాను ఎప్పుడైనా చర్చకు సిద్ధమని, దమ్ముంటే బహిరంగ చర్చ పెట్టాలని, స్థలం ఆయనే చెప్పాలన్నారు.