ఢిల్లీ టూర్: కేసీఆర్ టార్గెట్ ప్రత్యేక హోదా!
Published on: Sat Jun 7, 2014 3:18PM
.jpg)
ప్రస్తుతం ఢిల్లీలో పర్యటిస్తున్న తెలంగాణ ముఖ్యమంత్రి కేసీఆర్ టార్గెట్ తెలంగాణ రాష్ట్రానికి కూడా ఆంధ్రప్రదేశ్ తరహాలో ప్రత్యేక హోదా సాధించడమేనని స్పష్టమవుతోంది. తెలంగాణ ముఖ్యమంత్రిగా బాధ్యతలు స్వీకరించిన తర్వాత తెలంగాణ రాష్ట్ర సమితి అధినేత కేసీఆర్ శనివారం తొలిసారి ఢిల్లీ పర్యటనకు వెళ్లారు. ఈదఫా పర్యటనలో ఆయన పలువురు కేంద్ర మంత్రులు, ప్రధానమంత్రి నరేంద్ర మోడీ, రాష్ట్రపతి ప్రణబ్ ముఖర్జీలతో సమావేశం అవుతారు. ప్రధాని నరేంద్ర మోడీతో చర్చించాల్సిన అంశాలపై తెలంగాణ ఆర్థిక మంత్రి ఈటెల రాజేందర్తో కలిసి కేసీఆర్ వ్యూహరచన చేశారు. అలాగే, తెలంగాణ రాష్ట్రానికి ప్రత్యేక హోదా, స్పెషల్ ప్యాకేజీ ఇవ్వాలని కేసీఆర్ ప్రధానిని కోరనున్నారు. రాష్ట్ర పునర్వ్యవస్థీకరణ బిల్లులో కేంద్రం ఇచ్చిన హామీలను నెరవేర్చాలని కూడా కోరబోతున్నారు.


