ఎన్నికల ప్రచారం సందర్భంగా టీఆర్ఎస్ అధినేత, ప్రస్తుత తెలంగాణ ముఖ్యమంత్రి కేసీఆర్ సినీ నటుడు పవన్ కళ్యాణ్‌పై చేసిన వివాదాస్పద వ్యాఖ్యల కేసు విషయంపై అనంతపురం కోర్టు స్పందించింది. కేసీఆర్ పవన్ కళ్యాణ్‌పై చేసిన వ్యాఖ్యలకు సంబంధించి 15 రోజుల్లోగా విచారణ పూర్తి చేసి పూర్తి నివేదిక అందించాలని అనంతపురం కోర్టు గతంలో ఆదేశించింది. కోర్టు ఆదేశాల ప్రకారం పోలీసులు బుధవారం ఆ నివేదిక సమర్పించాల్సి వుంది. ఈ నేపథ్యంలో పోలీసులకు కోర్టును తమకు మరింత సమయం కావాలని కోరారు. ఈ సందర్భంగా కేసీఆర్‌పై కేసు పెట్టిన న్యాయవాది కోర్టుకు తన వాదనను వినిపించారు.