మొన్న నన్ను.. నిన్న నా భార్య.. కేసీఆర్ పై చంద్రబాబు ఫైర్
Published on: Sun Jan 31, 2016 11:00AM

చాలా రోజుల నుండి ఒకరి మీద ఒకరు విమర్శలు చేసుకోని తెలుగు రాష్ట్రాల సీఎంలు.. ఇప్పుడు గ్రేటర్ ఎన్నికల నేపథ్యంలో మాత్రం కాస్త దూకుడిని ప్రదర్శిస్తున్నారు. ఏపీ సీఎం చంద్రబాబు కేసీఆర్ పై తీవ్ర ఆగ్రహం వ్యక్తం చేస్తున్నారు. రెండు రోజుల క్రితం..చంద్రబాబుకు హైదరాబాదులో ఏం పని అని కెసిఆర్ ప్రశ్నించారు.. అంతేకాదు నిన్న జరిగిన ప్రచారంలో కూడా చంద్రబాబు సతీమణి నారా భువనేశ్వరి కూడా టిఆర్ఎస్ పార్టీకే ఓటు వేస్తుందని వ్యాఖ్యానించారు. దీంతో చంద్రబాబు కేసీఆర్ చేసిన వ్యాఖ్యలపై మండిపడుతున్నారు. గ్రేటర్ పార్టీ నాయకులతో చంద్రబాబు వీడియో కాన్ఫరెన్స్ ద్వారా మాట్లాడుతూ.. తనకు హైదరాబాదులో ఏం పని అని కెసిఆర్ ప్రశ్నించారని, ఇప్పుడేమే తన భార్య భువనేశ్వరి తెరాసకు ఓటు వేస్తానని చెప్పారని కెసిఆర్ చెప్పారని, అన్నీ అబద్దాలు ఆడుతున్నారన్నారని.. కెసిఆర్ అలా మాట్లాడితే ఆయనకే నష్టమని అన్నారు. అంతేకాదు హైదరాబాదులో తెలుగుదేశం పార్టీ చాలా బలంగా ఉందని, దానిని తట్టుకోలేకే కేసీఆర్ అలా మాట్లాడుతున్నాడని.. ఎన్నికలు అయేంత వరకూ అప్రమత్తంగా ఉండాలని.. ముఖ్యంగా ఎన్నికల రోజు చాలా జాగ్రత్తగా ఉండాలని సూచించారట. మరి ఇన్ని రోజులు సన్నిహితంగా ఉన్న సీఎంల మధ్య గ్రేటర్ వార్ మళ్లీ వార్ తీసుకొస్తుందా చూడాలి.


