కేసీఆర్ ప్రచారం చేస్తే ట్రాఫిక్ జాం అవుతుందట..!
Published on: Fri Jan 29, 2016 9:45AM

తెలంగాణ సీఎం మాటలు చెప్పడంలో దిట్ట అని అందరికి తెలిసిందే. ఆయన మాటలతోనే అందరిని ఓడించేస్తారు. అలాంటి వాక్చాతుర్యం ఉంది కేసీఆర్ కి. అది ఇంకోసారి నిరూపించారు కేసీఆర్. ప్రస్తుతం గ్రేటర్ ఎన్నికల్లో భాగంగా ఎక్కడ చూసినా పార్టీలు ప్రచారాలతో బిజీగా ఉన్నాయి. అయితే టీఆర్ఎస్ పార్టీ తరుపున ప్రచార బాధ్యతలు మొత్తం కేటీఆర్ తీసుకొని నడిపిస్తున్న సంగతి విదితమే. ఈ నేపథ్యంలో గ్రేటర్ ఎన్నికల్లో ప్రచారం గురించి మీడియా సమావేశంలో పాల్గొన్న కేసీఆర్ ను విలేకరులు ఒక ప్రశ్న అడిగారంట.. అదేంటంటే గ్రేటర్ ఎన్నికల ప్రచారంలో మీరెందుకు పాల్గొనడంలేదు. దానికి కేసీఆర్ తాను ప్రచారం చేస్తే ట్రాఫిక్ జాం అవుతుందని.. ప్రజల్ని ఇబ్బంది పెట్టకుండా ఉండటం కోసమే తాను ప్రచారం చేయటం లేదని చెప్పుకొచ్చారు. దీంతో ఆయన చెప్పిన మాటకు అందరూ షాకయ్యారంట. మొత్తానికి తన కొడుకు సామర్థ్యం ఈ ఎన్నికల ద్వారా తెలుసుకుందామని గ్రేటర్ ఎన్నికల ఫలితాలు లిట్మస్ టెస్ట్ మాదిరిగా చూసుకుంటున్న కేసీఆర్ అసలు విషయం చెప్పలేక ఇలాంటి సాకు చెప్పినట్టు తెలుస్తోంది.


