రాజకీయ నాయకులకు తిటుకోవడానికి.. ఒకరి మీద ఒకరు విమర్శలు చేసుకోవడానికి ఆరోజు.. ఈరోజు అంటూ ఏమి ఉండదు. తమపై విమర్శలు చేసిన నేతలపై వారు కూడా వెంటనే విమర్శలు చేసి వారు కూడా ఏం తక్కువ తినలేదని నిరూపించుకుంటారు. అయితే ఇక్కడ కేసీఆర్ కూతురు కవిత విమర్శలకు పండుగరోజు మినహాయించింది. అదేంటనుకుంటున్నారా.. బతుకమ్మ పండుగ సందర్భంగా ఎంపీ కవిత పై పలు రకాల విమర్శలు వస్తున్న సంగతి తెలిసిందే. మామూలుగా అయితే కేసీఆర్ లాగే కవిత కూడా తమ ప్రత్యర్ధులను మాటలతో చీల్చి చెండాడుతుంది. అలాంటి కవిత ఈ బతుకమ్మ పండుగ సందర్బంగా.. తొమ్మిది రోజులు తాను ఎవరిని విమర్శించనని చెప్పింది. బతుకమ్మ పండుగ సందర్భంగా చేస్తున్న విమర్శలపై తాను మాట్లాడనని.. పవిత్రమైన రోజుల్లో పూజలు చేసుకోవటం మానేసి.. ఈ విమర్శలేంటి అని కవిత అంటున్నారు. అంతేనా తమ వేతనాలు పెంచమని డిమాండ్ చేస్తున్న ఆశావర్కర్లను సైతం తమ నిరసనలు పక్కన పడేసి బతుకమ్మ ఆడాలని సూచించారట. అయితే బతుకమ్మ ఆడాలని.. చెప్పే బదులు.. తమ సమస్యను తీరీస్తే నిజంగానే సంతోషంగా బతుకమ్మ ఆడుకుంటాం కదా అని పలువురు అభిప్రాయపడుతున్నారు.