పది మంది ఎమ్మెల్యేలు గోడ దూకేస్తారట.. టీడీపీ ఎమ్మెల్యే సంచలనం
Published on: Mon Jun 8, 2020 3:15PM
కరోనా ధాటికి కొంత స్తబ్దుగా మారిన రాజకీయాలు తాజాగా టీడీపీ సీనియర్ ఎమ్మెల్యే కరణ బలరాం వ్యాఖ్యలతో మళ్ళీ వేడెక్కాయి. తన కుమారుడిని వైసిపి లోకి పంపి ప్రస్తుతానికి ఎటు వైపు ఉన్నారో తెలియని సీనియర్ ఎమ్మెల్యే కరణం చంద్రబాబు పై విరుచుకు పడ్డారు. గతంలో చంద్రబాబు చేసిన నిర్ణయాలతో ఏపీ తీవ్రంగా నష్టపోయిందని విమర్శించారు. జగన ఏడాది పాలన ను విమర్శించినా ప్రజలు మాత్రం సీఎం జగన్ తోనే ఉన్నారని అయన అన్నారు. గత ఎన్నికలలో టీడీపీ ఓటమి పై ఇప్పటికయినా ఆ పార్టీ సమీక్షించుకోవాలని ఆయన అన్నారు. ప్రస్తుతం రాజకీయాలలో విలువలు లేవని ఐతే ఎమ్మెల్యేలు మాత్రం నియోజక వర్గ అభివృద్ధిపై దృష్టి పెడుతున్నారని ఆయన అన్నారు. త్వరలో 10 నుండి 12 మంది టీడీపీ ఎమ్మెల్యేలు గోడ దూకే ఛాన్స్ ఉందని ఈ సందర్బంగా అయన బాంబు పేల్చారు.


