కేంద్ర మంత్రి సదానంద గౌడ కొడుకు కార్తీక్ గౌడ తనను పెళ్ళి చేసుకుంటానని మోసం చేశాడని, రేప్ చేశాడని కన్నడ నటి మైత్రేయ పోలీసులకు ఫిర్యాదు చేసిన సంగతి తెలిసిందే. పోలీసులు కేసు నమోదు చేసి కార్తీక్ గౌడ కోసం గాలిస్తున్నారు. ఈ నేపథ్యంలో రిషి అనే కన్నడ డైరెక్టర్ పదేళ్ళ క్రితం తాను ‘సూర్య ది గ్రేట్’ అనే సినిమా తీసే సమయంలో మైత్రేయని తాను పెళ్ళి చేసుకున్నానని ప్రకటించి సంచలనం సృష్టించాడు. అయితే దీనిని హీరోయిన్ మైత్రేయ ఖండించింది. ‘‘ఆ సినిమా తీసే నాటికి నాకు పదహారేళ్ళు. అప్పుడు నా వెంట మా అమ్మ కూడా వుండేది. మా అమ్మకి తెలియకుండా నా పెళ్ళవుతుందా చెప్పండి? అంచేత నాకు, తనకి పెళ్ళయిందంటూ డైరెక్టర్ రిషి చెబుతున్న మాటల్లో ఎంతమాత్రం నిజం లేదు’’ అని మైత్రేయ వివరణ ఇచ్చింది. మొత్తానికి ఈ హీరోయిన్ రేప్ కేసు సస్పెన్స్ సినిమా తరహా ట్విస్టులతో ముందుకు వెళ్తోంది.