కాజల్ అగర్వాల్ చెల్లెలు నిషా అగర్వాల్ ఇటీవలే ప్రేమలో పడి, నిశ్చితార్థం కూడా చేసుకున్న విషయం అందరికి తెలిసిందే. అయితే ఈనెల 28న నిషా అగర్వాల్ పెళ్లి కరణ్ పలేచాతో జరగబోతోంది. ఈ సందర్భంగా కాజల్ పెళ్లి భాధ్యతలను దగ్గరుండి మరీ చూసుకుంటుంది. " నా కళ్ల ముందే పెరిగిన నా చిన్నారి చెల్లెలు తన జీవిత భాగస్వామిని ఎన్నుకునేంత ఎత్తుకు ఎదిగినందుకు సంతోషంగా ఉంది. తన సంతోషమే మా సంతోషం. ఈ 28న ముంబయ్‌లో వివాహ వేడుక జరగనుంది. మాకో "ఎమోషనల్ డే" అది. మా ఇంటికి పెళ్లి కళ వచ్చేసింది. పెళ్లి పనులు ముమ్మరంగా జరుగుతున్నాయి. చెల్లెలి పెళ్లికి సంబంధించిన పనులను దగ్గరుండి చేయడం ఓ కొత్త అనుభూతినిస్తోంది. ఉత్తరాది నుంచి దక్షిణాదికి వచ్చి నేనూ నా చెల్లెలు సినిమాలు చేస్తున్నాం. ఇక్కడివాళ్లు మమ్మల్ని ఎంతగానో ఆదరించారు. అలాగే, నా చెల్లెలి జీవితం బాగుండాలని అందరూ ఆశీర్వదించాలని కోరుకుంటున్నా" అని చాలా ఎమోషనల్ అంటుంది.