భారత క్రికెట్ దేవుడు సచిన్ టెండూల్కర్ తొడ కొట్టాడు. నమ్మ బుద్ధి కావడం లేదా.. ఇది నిజంగా నిజం.. సచిన్ జంటిల్మన్ అనే మాట ఎంత నిజమో, ఆయన పక్కా మాస్ హీరోలాగా తొడ కొట్టారన్న మాట కూడా అంతే నిజం. ముంబైలో ప్రొ కబడ్డీ లీగ్ కార్యక్రమ ప్రారంభోత్సవంలో సచిన్ టెండూల్కర్ సతీ సమేతంగా అతిథిగా పాల్గొన్నారు. ఈ కార్యక్రమంలో అమితాబ్ దంపతులు, అభిషేక్ బచ్చన్ దంపతులు, షారుఖ్ ఖాన్, అమీర్ ఖాన్ తదితరులు పాల్గొన్నారు. ఈ సందర్భంగా ఒక కబడ్డీ మ్యాచ్ ప్రారంభానికి ముందు అమీర్‌ఖాన్, సచిన్ టెండూల్కర్ ఇద్దరూ కబడ్డీ గ్రౌండ్‌లోకి వచ్చి కబడ్డీ ఆడుతున్నట్టుగా అభినయించారు. ఈ సందర్భంగా ఇద్దరూ కబడ్డీ ఆట తరహాలో తొడలు కొట్టారు. ఈ అరుదైన దృశ్యాన్ని చూసిన అందరూ కరతాళ ధ్వనులు చేశారు.