ఎన్టీఆర్ జయంతి సందర్భంగా హైదరాబాద్ లోని ఎన్టీఆర్ ఘాట్ వద్ద జూనియర్ ఎన్టీఆర్ ఘన నివాళి అర్పించారు. జూనియర్ తో పాటు ఆయన సోదరుడు కల్యాణ్ రామ్ కూడా ఉన్నారు. ఎన్టీఆర్ తెలుగు ప్రజలకు చేసిన సేవలను ఈ సందర్భంగా జూనియర్ ఎన్టీఆర్ గుర్తు చేసుకున్నారు.

ఆయన మనవడిగా పుట్టడం తన అదృష్టమన్నారు. ఈ సందర్భంగా ఆయన ఒకింత భావోద్వేగానికి లోనయ్యారు. ఇలా ఉండగా ఎన్టీఆర్ జయంతి సందర్భంగా ప్రముఖులు ఎన్టీఆర్ ఘాట్ కు వచ్చి నివాళులర్పిస్తున్న సందర్భంగా అక్కడ పోలీసులు గట్టి బందోబస్తు ఏర్పాటు చేశారు.