TeluguOne Health
● # Tweets

Download the TeluguOne App

Choose your platform to continue

కేజ్రీవాల్ జ్యుడిషియల్ కస్టడీ జులై 3 వరకు పొడిగింపు 

Published on: Wed Jun 19, 2024 4:10PM

లిక్కర్ స్కాం కేసులో అరెస్ట్ అయిన ఢిల్లీ ముఖ్యమంత్రి అరవింద్ కేజ్రీవాల్ జ్యుడీషియల్ కస్టడీ కోర్టు జులై 3వ తేదీ వరకు పొడిగించింది. ఢిల్లీ మద్యం పాలసీ కేసులో మార్చి 21న కేజ్రీవాల్‌ను ఈడీ అరెస్ట్ చేసింది. సార్వత్రిక ఎన్నికల సమయంలో ఆయన ప్రచారం కోసం మధ్యంతర బెయిల్ పైన కొన్నిరోజులు బయట ఉన్నారు. తిరిగి ఈ నెల 2వ తేదీన కోర్టు ఎదుట లొంగిపోయారు. నాటి నుంచి ఆయన జైల్లోనే ఉన్నారు. తాజాగా కేజ్రీవాల్ కస్టడీని రౌస్ అవెన్యూ సీబీఐ ప్రత్యేక న్యాయస్థానం పొడిగిస్తూ ఉత్తర్వులు జారీ చేసింది. తెలంగాణ మాజీ ముఖ్యమంత్రి కెసీఆర్ కూతురు కవిత ఇదే కేసులో మూడు నెలల క్రితం అరెస్ట్ అయినప్పటికీ ఇంత వరకు బెయిల్ లభించలేదు. ఇదే కేసులో అరెస్ట్ అయిన ఢిల్లీ  మాజీ డిప్యూటి సిఎం మనీష్ సిసోడియా అందరికంటే ముందు అరెస్ట్ అయినప్పటికీ  ఇంతవరకు బెయిల్ లభించకపోవడంతో  కవిత ఆందోళన చెందుతున్నట్లు తెలుస్తోంది. తన అన్న కెటీఆర్ గత శుక్రవారం తీహార్ జైల్లో ములాఖత్ అయినప్పుడు కవిత ఎమోష్ నల్ అయ్యింది. బాపూ(కెసీఆర్) ఆరోగ్యం ఎలా ఉంది. పిల్లలు ఎలా ఉన్నారు? నేను ఈ కేసు నుంచి బయటపడే అవకాశాలు ఉన్నాయా అని కెటీఆర్ ను కవిత అడిగినట్లు తెలుస్తోంది. నీకు బెయిల్ వస్తుంది అని కెటీఆర్ చెల్లెలు కవితకు భరోసా ఇచ్చారు. చెల్లెలు బాగా ఎమోష్ నల్ కావడంతో  కెటీఆర్  పార్టీలో కవితకు సన్నిహితులైన మహిళా నేతలతో సంప్రదింపులు ప్రారంభించారు. ఇద్దరు మాజీ మంత్రులైన సబితా ఇంద్రారెడ్డి, సత్యవతి రాథోడ్ లను మంగళవారం తీహార్ జైలుకు వెళ్లి పరామర్శించాలని కోరినట్టు సమాచారం. కెటీఆర్ కోరిక మేరకు సబిత, సత్యవతి రాథోడ్ ములాఖత్ లో కవితను కల్సి ధైర్యం చెప్పారు.