చెత్తకుండీలో ఒలింపిక్స్ గోల్డ్ మెడల్..


ఎంతో కష్టపడి.. ప్రపంచ దేశాలన్నింటిపై పోటీ చేసి తమ సత్తా చూపిస్తే కానీ ఒలింపిక్స్ లో మెడల్స్ రావు. అలాంటిది ఏకంగా గోల్డ్ మెడల్ రావడమంటే మామూలు విషయం కాదు. అంత కష్టపడి తెచ్చుకున్న గోల్డ్ మెడల్ పోయిందంటే ఎలా ఉంటది.. అలాంటిదే జరిగింది ఓ క్రీడాకారుడికి. వివరాల ప్రకారం.. అమెరికన్ జో జాకొబి అనే క్రీడాకారుడు 1992 బార్సిలోనా ఒలింపిక్స్ లో రోయింగ్ క్రీడలో స్వర్ణపతకం గెల్చుకున్నాడు. అయితే తను తన మెడల్ ను పోగొట్టుకున్నాడు. ఈనేపథ్యంలో పోలీసులకు ఫిర్యాదు కూడా చేశాడు. అయితే ఈ ఘటన జరిగిన రెండు నెలలకు.. అట్లాంటాలో  ఏడేళ్ల చిన్నారి కోల్ స్మిత్ కు చెత్తకుండీలో  గోల్డ్ మెడల్ దొరికింది. దానికి తీసుకొని చూసి అది జో జాకొబిదేనని నిర్ధారించుకుని దానిని అతనికి అందేలా చేశారు కోల్ స్మిత్ కుటుంబ సభ్యులు. దీంతో జాకొబి కోల్ స్మిత్ గురించి తెలుకొని తన స్కూల్ కు వెళ్లి ఆమెను అభినందించాడు. ఈ సందర్భంగా తనను చేరిన స్వర్ణ పతకాన్ని పిల్లలకి జాకొబి చూపించాడు.