జేసీ దివాకర్ రెడ్డి, జేసీ ప్రభాకర్ రెడ్డి వివాదాస్పద వ్యాఖ్యలు చేయడంలో ఎప్పుడూ ముందుంటారు. వాళ్లు అలా వివాదాస్పద వ్యాఖ్యలు చేసినా చాలా దర్జాగా.. ఎలాంటి బెదురు లేకుండా ఉంటారనడంలో ఎలాంటి సందేహం లేదు. అలాంటి వారు.. తాజాగా తాము లంచం తీసుకుంటామని.. ఆ వచ్చిన డబ్బుతో నియోజకవర్గ అభివృద్ధి పనులు చేస్తామని ఎమ్మెల్యే జేసీ ప్రభాకర్ రెడ్డి సంచలన వ్యాఖ్యలు చేయటం తెలిసిందే. దీనికి ఏపీ కాంగ్రెస్ రథసారధి రఘేవీరా వెంటనే స్పందించి విమర్శలు చేశారు. జేసీ ప్రభాకర్ రెడ్డి చేసిన వ్యాఖ్యలపై ఏపీ ముఖ్యమంత్రి వివరణ ఇవ్వాలని.. అధికార పార్టీ ఎమ్మెల్యేగా ఇలాంటి వ్యాఖ్యలు చేయటం ఏమిటంటూ ప్రశ్నించారు. దీనికి జేసీ ప్రభాకర్ రెడ్డి ఊరుకుంటారా ఆయన కూడా రివర్స్ లో కౌంటర్ ఇచ్చారు.  రఘవీరా ఏమీ సత్య హరిశ్చంద్రుడేమీ కాదన్నారు. రఘువీరా తన జీవితంలో ఒక్క పైసా కూడా లంచం తీసుకోలేదా? అని సూటిగా ప్రశ్నించారు. తన కుటుంబ సభ్యులతో రఘువీరా నీలకంఠాపురం వచ్చి డబ్బులు తీసుకోలేదని ప్రమాణం చేస్తారా? అని సవాల్ విసిరారు. మొత్తానికి జేసీ మీద వ్యాఖ్యలు చేసిన రఘువీరాను జేసీ చాలా తెలివిగా ఇరికించారు. మరి జేసీ సవాల్ కు రఘువీరా వివరణ ఇస్తారో లేదో చూడాలి.